2022 жылдың 5 қазанында "№2 Новоишим орта мектебі" КММ кітапханашылары 1-11 сынып оқушыларына «Оқуға құштар мектеп» жобасы аясында QR-код арқылы дайындалған кітаптар көрмесін ұсынды.
Қазіргі заманғы кітапханалар ақпарат пен құжаттарға сұранысты қанағаттандыру үшін оқырмандардың барлығына дерлік қолжетімді болу керек.
Мобильді кітапханалар - бұл кітапхананың жаңа қызметі, тәжірибелік біліктілік, келешек. Қазіргі уақытта адамдар интернет желісіне смартфондардың көмегімен кіріп, керек ақпаратқа қол жеткізе алады. Осыған орай кітапханада оқырмандарға қолжетімді болсын деген мақсатта көркем әдебиеттердің бірнеше топтамасынан "Мобильді QR кітапхана" ұйымдастырылды.
Әр жастағы оқырмандарда кітапхана қызметтерін пайдалану сезімін ояту үшін кітапханаларда оқырманға арналған қосымша ақпаратты ұсынудың тиімді тәсілі ретінде QR-кодтар белсенді пайдаланылады. Қолында смартфоны бар кітапхана оқырманы қосымша ақпаратты пайдалану үшін QR-кодты сканирлей алады, кітап авторының сайтына көше алады.
QR-код деген не? Оны пайдалану
Құрметті оқырман! QR-кодты өз жұмыстарыңызда пайдаланыңыздар!
QR-кодты барлық жерде: кәдімгі плакат, кітапхана қызметінен бастап, құттықтау открыткасына дейін пайдалануға болады. Барлығы сіздің қиялыңызға байланысты. Кітапханаға келуді өзіңіз үшін қызықты да қарапайым етіңіз.
QR-код кез-келген ақпаратты сақтау үшін пайдаланылады (мысалы: сайт мекенжайы, байланыс ақпараты, картадағы орналасуы, суреттер және басқалар). Телефондағы бағдарлама кодтан ақпаратты оқиды және оны дайын түрде береді, яғни сіздің уақытыңызды үнемдейді (автоматты түрде сайтқа көшеді, байланыс деректерді, желінің wi-fi деректерін және т.б береді).
